Unha parte moi importante do desenvolvemento de ferramentas prácticas é, aínda que poida parecer moi redundante, poñelas en uso. Para iso, o pasado 18 de xuño presentamos o “Primeiro Obradoiro do Grupo Operativo Terractiva”. Dito evento foi hospedado pola Asociación Galega de Cooperativas Agroalimentarias (AGACA) na súa sede de Santiago de Compostela e tivo unha duración total de tres horas. Esta actividade informativa e formativa estivo dirixida principalmente a persoal técnico, socios e directivos de cooperativas.
Así, a xornada comezou cunha moi breve presentación do Grupo Operativo, seguida dunha definición e aclaración do perfil dos novos entrantes no sector agroalimentario. Por último, presentáronse as Guías elaboradas polo Grupo e aclarouse como deben utilizarse.
Dende Terractiva seguiremos divulgando o noso traballo, proxecto e misión con máis actividades programadas para este mes de xullo e principalmente o vindeiro mes de setembro.
